‘एक वडा, एक उत्पादन’ क्षेत्रको रुपमा विकास गर्ने योजना रहेको छ

महेन्द्र केसी मेयर (उम्मेदवार) नेपाली कांग्रेस मुसिकोट नगरपालिका
नेपालमा  जव पञ्चायती साशनको अन्त्य भयो र  २०४६ सालमा वौदलीय व्यवस्थाको स्थापना सँगै २०४६÷ ४७ मा नेपाल विद्यार्थीको संघको सस्थापक सदस्य भएको हुँ । त्यसपश्चात म अहिले सम्म नेपाली कांग्रेसको क्रियाशिल         राजनीतिमा छु । भने नेपालमा भएका ठुला (ठुला राजनीतिक      परिवर्तन निरुङकुर राजतन्त्र फाल्ने आन्दोलन होस् वा गणतन्त्र स्थापना गर्ने आन्दोलनमा मेरो सक्रिय भुमिका रहेको छ  । नेपाली कांग्रेस रुकुमको  तत्कालिन स्थानीय निकायको चुनावमा जिल्ला विकास समिति रुकुमको सभापति देखी गाविस अध्यक्षहरुलाई जिताउन मैले भुमिका खेलेको थिए । म रुकुम जिल्लाका ४३ गाविसमा पुगेको छु । त्यहाँको बास्तविकता बुझेको छु । अर्को कुरा  पछिल्लो समय भएको नेपाली कांग्रेसको मुसीकोट नगरसभापति भएपछि मैले गरेका प्रतिवद्धता र योजना कार्यान्वयन गर्न प्रयत्न गरेको छु । नेपाली कांग्रेस रुकुमलाई थप उचाईमा पु¥याउन नेपाली कांग्रेस नगरसभापतीको हैसीयतले मुसिकोट नगरपालिका भित्र पर्ने साविकका साँख र खंलगा गाविसको ११ वडामा वडा समिति गठन, वडा कार्यालय स्थापना र सबै वडा तहमा  नेपाली कांग्रेस भातृसंगठन समेत निर्माण गरिएको छ । यिनै वडा र भातृ संगठनहरुले नियमिति गतिविधीहरु सञ्चालन गरिरहेका छन् । पछिल्लो समयमा राज्यको पुर्नसंरचना अन्र्तगत  ३ वटा थप गाविस चौखावाङ, भलाक्चा, छिवाङ र स्यालाखदीका  दुई वटा  वडामा गाभेर १४ वटा वडाको मुसिकोट नगरपालिकाका भएको छ । १४ वटै वडामा नेपाली कांग्रेसको संगठन विस्तार भएका छन् ।  घरदैलो अभियान गरेको छु । भने त्यहाँको जनताको  समस्याको     बारेमा मैले राम्रोसँग बुझेको छु । अहिले नेपाली कांग्रेस रुकुमले मलाई मुसिकोट नगरपालिकाको  मेयरको लागि उम्मेद्वारी बनाएको छ । हामी सम्पूर्ण नेपाली कांग्रेस एक भएर लागेका छौं । हाम्रो जीत सुनिश्चित रहेको छ । भने मुसिकोट नगरपालिका भित्र पर्ने सम्पूर्ण वडाहरुमा पनि हाम्रो जीत हुने पक्का भएको छ । मुसिकोट नगरपालिका क्षेत्रभित्र पर्ने  सबै वडा तथा गाउँमा अझै पनि नियमित गाडि चल्ने अवस्था छैन् । त्यसको सुधार गर्ने लक्ष्य लिएको छु । नगर बस सञ्चालन गरेर सम्पूर्ण स्थानीयलाई सेवा दिईने छ । एक घर एक       धाराको अभियान सञ्चालन गरेर खानेपानीको सहज पहँुच पुय्राउने छु । शिक्षाको क्षेत्रमा पनि       व्यवहारिक शिक्षा अन्र्तगत प्राविधक शिक्षा सञ्चालन गरिने छ । एक वडा एक उत्पादन क्षेत्र घोषणा गरि नगरपालिकाको विकासमा जोड दिईने छ ।  प्रत्येक वडामा स्वास्थ्य चौकी स्थापना गरी स्वास्थ्य विमा कार्यक्रम सञ्चालन गरिने छ ।  विद्युत, टेलिफोन, सिँचाई, पर्यटन, उद्यौगिक विकास गरी गाउँ गाउँमा रोजगारी सृजना गरिने छ । पिछडीएको दलित जनजाती अपाङ्गहरुको विकासको लागि थप योजना  तथा कार्यक्रम सञ्चाल गर्ने छु । भने २०७२ बैशाख १२ र २९ गते गएको भुकम्पको कारण भएको क्षतीले हामीलाई पाठ सिकाएको छ । अहिलेपनि मुसिकोट क्षेत्रभित्रका अधिकास घरहरु भुकम्प प्रतिरोधी छैनन् । मुसिकोट नगर क्षेत्रभित्र बन्ने नयाँ घर निर्माणमा सहुलिएतमा ऋणको व्यवस्थाका साथै अनुदानको लागि समेत पहल गर्ने छु । भने मुसिकोट नगरपालिका भित्र एकीकृत वस्ती विकास कार्यक्रमलाई प्रभाकारी रुपमा सञ्चालन गरीने छ । नयाँ संरचना अनुसार राज्यसेवा गाउँतहमा जाँदा मुसिकोट अप्ठेरोमा पर्छकी भन्ने आम मान्छेको बुझाई रहेको       कारण मैले यसलाई पर्यटन क्षेत्रको रुपमा विकास गर्ने, प्राविधिक शिक्षालय अन्र्तगत मेडिकल कलेज स्थापना गरी यसको भविष्य सुनिश्चित गर्ने छु ।
 रेखदेखसँगको कुराकानीमा     आधारित