तिन सरकारी कार्यालय खानेपानी विहीन

प्रशान्त बटाला आठविसडाडागाउँ रुकुम । जिल्लाको ३ सरकारी कार्यालय खानेपानी विहीन भएको छ । जिल्लाको उत्तरपश्चिम क्षेत्रको दुर्गम गाविस आठविसडाडागाउँमा रहेका ३ सरकारी कार्यालय खानेपानी विहीन भएका हुन् । आठविसडाडागाउँमा रहेका गाविसको कार्यालय आठविसडाडागाउँ, उपस्वास्थ्य चौकी आठविसडाडागाउँ र श्री जनकल्यान माद्यामिक विद्यालय गरि ३ वटा सरकारी कार्यालयमा खानेपानीको सहज पहुँच नहुँदा कर्मचारी लगायत सेवाग्राहीहरु समस्यामा रहेको आठविसडाडागाउँ ५ का स्थानीय बासीले जानकारी दिएका छन् । गत साउनमा झ्यारम खोलाबाट आठविसडाडागाउँका ३ सरकारी क्षेत्रमा पु¥याएको खानेपानी पहिरोले बगाएपनि मर्मत नहुँदा तिन सरकारी कार्यालय खानेपानी विहीन भएका हुन् । सरकारी कार्यालयमा खानेपानी अभाव हुदा उपस्वास्थ्य चौकीमा आउने विरामी, गाविसको कार्यालयमा आउने सेवाग्राही र विद्यालयका विद्याथीहरु समस्यामा परेको जनाएको छ । सरकारी कार्यालयमा खानेपानी अभाव हुँदा सम्म निर्माण गर्न कसैको चासो पुगेको छैन् । गत वर्ष डिप्रोक्स नेपालले सोही क्षेत्रमा खानेपानी निर्माण गरेपनि सरकारी कार्यालयहरुमा भने लाईन दिएको थिएन ।