आज आमालाई सम्झिने दिन

वैशाख २४, काठमाडौँ ।आफूलाई जन्म दिने आमालाई सम्मान गर्न वैशाख कृष्णऔँसीका दिन आमाको मुख हेर्ने दिनका रुपमाशुक्रबार मातातिर्थ औंसी पर्व मनाइँदैछ । नौ महीनासम्म आफ्नो गर्भमा राखेर जन्म दिने आमा प्रति श्रद्धाभाव सहित औंसीका दिन मीठो खान लाउन दिई सम्मान गर्ने गरिन्छ ।

दिवङ्गत आमाको सम्झनामा तर्पण, पिण्डदान र श्राद्ध गरेरआमालाई सम्झना गरिन्छ । आजका दिन मातृश्राद्ध गरे अक्षय पुण्य प्राप्त भई आमाले तृप्ति पाउने शास्त्रमा उल्लेख गरिएको छ । आजकै दिन काठमाडौँको पश्चिमी भेगमा रहेको मातातीर्थमा आमाको सम्झनामा श्राद्ध गर्ने भक्तजनको भीड लाग्छ । बौद्ध धर्मावलम्बी समेत यहाँ दिवङ्गत आमाको सम्झनामा श्राद्ध गर्न आउँछन् ।

आमा हुनेहरूले आजका दिन आफूलाई मन पर्ने मीठा मीठा खानेकुरा र वस्त्र आमा लगायत गुरुआमा, सासू र काकीहरूलाई दिने र आशीर्वाद ग्रहण गर्दै यो पर्व मनाइरहेका छन् । आजकै दिनका लागि भनेर विभिन्न मिठाई, फलफूल तथा कपडा पसलहरुमा अघिपछि भन्दा धेरै व्यापार हुने गर्दछ ।