बल्ल आयो भुकम्पको सही तथ्याङ्क

रेखदेख संवाददाता । बैशाख १२ र २९ गते गएको विनासकारी भुकम्पको सही तथ्याङ्क संकलन भएको छ । दैबीक प्रकोप उद्दार समितिले भुकम्पका कारण क्षती भएको विवरणमा छानविन गरेर सहि तथ्याङ्क निकालेको हो । भुकम्पका कारण क्षतीको विवरण अत्याधिक आउन थालेपछि प्राविधिक सहित गाविस सचिव र प्रहरीको क्षतीको अनुगमन टोलीले रुकुममा जम्मा १ सय १७ घरमात्र पूर्णरुपमा क्षती भएको जनाएको छ । जसमा सवैभन्दा बढी क्षती जाङ, मग्मा, तकसेरालगायतका गाविसमा भएको छ । भने अांशिक क्षतीतर्फ ३ सय ३८ घर रहेका छन् । यसका साथै रुकुमका २२ वटा विद्यालय पूर्णरुपमा क्षती भएको र १ सय ७ वटा सरकारी तथा गैर सरकारी संघ सस्थाका भवनहरु अांशिक रुपमा क्षती भएको सहायक प्रमुख जिल्ला अधिकारी नरेन्द्रकुमार राणाले जनाए । उनले भने रुकुमका ९ सय ६० घर सामान्य क्षती भएका छन् । यसअघि रुकुमका १ सय ३६ घर पूर्ण क्षती भएको थियो । भने ९ सय ७६ आंशिक रुपमा क्षती जनाएको थियो । भुकम्पका कारण पूर्णरुपमा क्षती घरपरिवार मध्ये ७३ परिवारलाई ५ हजारका दरले कुल रु ३ लाख ६५ हजार राहत वितरण गरिएको छ । यसका साथै अन्य घरपरिवारलाई समेत छिट्टैँ राहत वितरण गरिने छ । पूर्णरुपमा घर क्षती भई बैकल्पीक बासको व्यवस्था नभएका घरपरिवारलाई बास व्यवस्थापनको लागि तत्काल रु १५ हजार रुपैया राहत प्रदान गर्ने जनाएको छ । रुकुममा १ सय १७ घर पूर्णरुपमा क्षती भएपनि ४० ÷५० परिवार मात्र घरवारी विहीन भएर आफन्तको घरमा बसेको जिल्ला प्रशासन कार्यालय रुकुमले जनाएको छ ।