चरेश सहित २ जना पक्राउ

रुकुममा चरेश सहित २ जना पक्राउ भएका छन् । फागुन २० गते रुकुमबाट काठमाण्डौं जादै गरेको ना. ५ ख २३९८ नम्वरको बसका यात्रु डोल्पा सर्मी गाविस ३ का २५ वर्षका देवीदत्त वुढा ७ सय ग्राम लागु औषध चरेश सहित पक्राउ परेका छन् । भने सोही दिन जिल्ला रुकुम तकसेरा गा.वि.स.वडा न ६ घर भई हाल मु.न.पा.१ पातुखोला बस्ने दिपक बुढा ७९.४३ ग्राम लागु औषध चरेश सहित पक्राउ परेका हुन् । उनले आफ्नो कोठामा चरेस लुकाईछिपाई राखेको छन भन्ने सुचनाका आधारमा प्रहरी खटाई निजको कोठा तलासी लिने क्रममा ७९.४३ ग्राम लागुऔषध चरेस फेला परेको जिल्ला प्रहरी कार्यालय रुकुमले जनाएको छ । दुवै जनालाई आईबार पत्रकार सम्मेलन गरी सार्वजनिक गरेको हो ।  देवीदत्त वुढालाई   दुवै जनालाई लागुऔषध ऐन २०३३ बमोजिम ६ महिना देखी २ बर्ष सम्म कैद र २ हजार देखी १० हजार रुपैया सम्म जरीवाना हुने   जिल्ला प्रहरी कार्यालय रुकुमका प्रहरी प्रमुख रुपेश खड्काले जानकारी दिएका छन् ।  भने दिपक वुढालाई लागु औषध ऐन २०३३ बमोजिम १ महिना देखी १ बर्ष कैद वा १ हजार देखी ५ हजार सम्म जरीवाला हुने जनाएको छ ।रुकुम जिल्लालाई लागुऔषध मुक्त जिल्ला बनाउने अभियानका साथ  जिल्ला प्रहरी कार्यालय रुकुम लागु औषध नियन्त्रण तथा फडानी अभियानमा सक्रिय रहेको छ ।