द्धन्दपीडितको लागि साढे ५ करोड निकासा

प्रविर ददेल रुकुम । १२ वर्षे शसस्त्र द्धन्दमा ज्यान गुमाएका मृतकका परिवारले विशेष राहात पाउने भएका छन् । हाल सम्म ३ लाख रुपैया मात्र राहात रकम पाएका रुकुमका मृतकका परिवारले विशेष राहात स्वरुप यस आर्थिक वर्षमा २ लाख रुपैया पाउँने जिल्ला शान्ति समिति रुकुमका संयोजक खड्कबहादुर डाँगीले जनाए । उनले भने, जिल्लाका ६ सय ४७ मृतकका परिवारमध्ये ३ लाख रुपँैया मात्र पाएका सबै मृतक परिवारले विशेष राहत स्वरुप रु २ लाख रुपैया पाउने जनाए । शान्ति समिति रुकुमले जिल्लाका मृतकका परिवारहरुलाइृ विशेष राहात वितरण गर्न सार्वजनिक सूचना जारी गरेको छ । भने जेठ २५ गते सम्म जिल्ला शान्ति समितिमा निवेदन पेस गर्न मृतकका परिवारहरुलाई सम्र्पक गर्न अनुरोध गरिएको शान्ति समितिका संयोजक राजु लामिछानेले जानकारी दिए । उनका अनुसार– विशेष राहात स्वरुप पहिलो किस्ता अन्तरगत रु ५ करोड ४० लाख रुपैया निकासा भएको छ । भने असार अन्तिम साता सम्म दोस्रो किस्ताको रकम निकासा हुने र वितरण गर्ने जनाएको छ । पहिलो किस्तामा निकासा भएको रकमले रु ५ सय ४० जनालाई राहात पुग्ने जनाएको छ । रुकुममा शसस्त्र द्धन्दको क्रममा ६ सय ६५ जनाको मृत्यु भएको थियो । सबै भन्दा वढी महत गाविसमा ४८ जनाको मृत्यु भएको छ ।