सरकारको खेलमा नलागौँ

सम्पादकीय नेपाल अहिले संकटको घडिमा छ । बैशाख १२ र २९ गते गएको विनासकारी भुकम्पले देशको विभिन्न ठाउँमा ठुलो क्षती भएको छ । करिव साढे ८ हजार भन्दा वढीले नेपालीले ज्यान गुमाएका छन् । हजारौ नेपालीहरु घाईते जिवन विताईरहेका छन् । भने हजारौँको घर भत्कीएर सडकमा पालमुनीको वाँस गरिरहेका छन् । अहिले नेपाली जनताहरु वास र गाँसको पर्खाइमा रहेका छन् । भने भुकम्पको डर तथा त्रासदी कायमै छ । यस्तो संकटको अवस्थामा नेपाली जनताहरुको जिउ ज्यानको सुरक्षा गर्ने अभिवारा बोकेका नेपालका राजनैतिकदलहरु भने सत्ता परिवर्तनको कुरा गर्न थालेका छन् । यो जायज होईन । किनभने अहिले सरकार परिर्वनको खेलमा लागेर समय वर्बाद गर्नु भन्दा यो वेला भुकम्पको कारण अप्ठेरोमा परेका जनताहरुलाई राहत बाड्न उत्तम हो । घर भत्कीएका नेपालीको घर निर्माण गर्नु जायज हो । हैन भने सविधान निर्माण जिम्मा पाएर संसद भवनमा पुगेका राजनैतिकदलहरु संविधान निर्माण प्रक्रिया अगाडि वढाउनु नै महत्वपूर्ण कुरा हो । फेरी सरकार परिवर्तनको खेलमा लागेर समय बर्बाद गर्ने संविधान निर्माण प्रक्रियालाई आझेल पार्नु त्यत्ति जायज चै लाग्दैन । यो बेला जनताहरुले राजनैतिक दलहरुको मुल्याङ्घन गर्ने बेला पनि भएकाले सत्ता र भत्ताको पछि लाग्नु र सत्ता परिवर्तनको खेलमा लागेर जनता निरासा बनाउनु राम्रो होइन । फेरी राष्ट्रय सरकार भनेको के हो ? कहिले भएको छ र नेपालमा अन्तराष्ट्रिय सरकार ? आफु सत्तामा पुग्दा राष्ट्रिय सरकार हुने नपुग्दा अन्तराष्ट्रिय हुने त होइन होला नि ?