रुकुममा दलित विद्यार्थीबाट शुल्क अशुल गर्ने विद्यालयलाई कारवाही गर्ने

रेखदेख संवाददता रुकुम । दलित विद्यार्थीहरुबाट विभिन्न बाहानाशुल्क अशुल गर्ने विद्यालयलाई कारवाही प्रमुख जिल्ला अधिकारी तथा जातीय विभेद तथा छुवाछूत तथा दलित अधिकार प्रर्वद्धन समिति रुकुमका अध्यक्ष अन्तरबहादुर सिलवालले बताएका छन् । नेपाल सरकारले दलित विद्यार्थीहरुलाई सामुदायीक विद्यालयमा माद्यामीक तहसम्म कुनै पनि शुल्क नलाग्ने घोषणा गरेपनि बिभिन्न बाहानामा शुल्क अशुल गरेको जनगुनासो बढेपछि सामुदायीक विद्यालयलाई छानविन गरि त्यस्तो पाईएमा कारवाही गर्ने जनाएको छ । मंगलबार जातीय विभेद तथा छुवाछूत तथा दलित अधिकार प्रर्वद्धन समिति रुकुमको बैठकमा यस्तो निर्णय गरिएको हो । यसका साथै रुकुममा हुने बालविवाह रोक्न पहल गर्ने समेत निर्णय गरिएको छ । रुकुममा जातीय विभेद सम्वन्धी अप्रिय घटना नघटेपनि सरकारले दिएका सेवा सुविधा भने कार्यान्वयन हुन सकेका छैनन् । यस विषयमा पटक पटक दलित अधिकारकर्मीहरु जिल्ला शिक्षा कार्यालयसँग समन्वय गरेर सामुदायीक विद्यालयमा ज्ञापन पत्र वुझाएपनि सामुदायीक विद्यालयहरुले अटेर गरेको दलित अधिकारकर्मी उपेन्द्रलाल कामीले जानकारी दिएका छन् । उनले भने, दलित विद्यार्थीहरुले रुकुमका सामुदायीक माद्यामिक विद्यालयहरुमा चर्को शुल्क तिदैँ आएका छन् । बैठकमा स्थानीय विकास अधिकारी तथा जिल्ला दलित समन्वय समितिका अध्यक्ष भरतकुमार शर्मा, टेकबहादुर नेपाली जिल्ला शिक्षा कार्यालय रुकुमका देवीलाल विष्ट,राष्ट्रिय दलित मुर्तिमोर्चाका केन्द्रिय सदस्य उपेन्द्रलाल कामी, रातो कामी, मनबहादुर वादी, नेपाल दलित संघका केन्द्रिय सदस्य यज्ञबहादुर परियार, नेपाल पत्रकार महासंघका अध्यक्ष गणेश विक चिन्तनलगायत दलित अधिकारकर्मीहरुको उपस्थित रहेको थियो ।