रुकुमका बन्दीले भुकम्पपीडितलाई राहत

बैशाख २४, रुकुम । रुकुम जिल्ला कारगारका कैदी बन्दीहरुले भुकम्प पीडितहरुको लागि राहत संकलन गरेका छन् । भूकम्प पिडितहरुको लागि देशैभरी राहात संकलन भैरहेको बेला रुकुमका कैदीबन्दीहरुले जेलभित्रैबाट राहत संकलन गरि पठाएका हुन् । उनीहरुले जेलभित्र संकलन गरेको रु.८ हजार १० रुपैया राहत प्रमुख जिल्ला अधिकारी अन्तरबहादुर सिलवाललाई हस्तान्तरण गरेका छन् । देशलाई ठुलो बिपत्ति परेको बेला पीडितहरुलाई सहयोग गर्न जेलभित्रै राहत संकलन गरेर हस्तान्तरण गरेको कैदी बन्दी सुरज परियारले बताए । उनले भने, भुकम्प पीडितलाई सानो सहयोग स्वरुप आफनो रकम संकलन गरेर प्रमुख जिल्ला अधिकारी मार्फत प्रधानमन्त्री राहत कोषमा पैसा जम्मा गरि दिन आग्रह गरेको जनाए । रुकुमका कैदीहरुले विभिन्न ठाउँ र निकायबाट संकलन भएको राहतको सहि सदुपयोग भई पिडितले नै पाउनु पर्ने राज्यसँग माग राखेका छन् । बन्दीहरुले संकलन गरेको राहत रकम प्रधानमन्त्री राहत कोषमा जम्मा जम्मा गरिदिने भएकाले पीडित व्यक्तिहरुले राहत पाउने प्रमुख जिल्ला अधिकारी अन्तरबहादुर सिलवालले जनाएका छन् । जिल्ला कारगारमा रुकुममा ६३ जना पुरुष, १० जना महिला र २ जनाबाबालिकाहरु रहेका छन् ।